Партијата Единствена Русија победи на изборите за Државната дума, освојувајќи 49,82 проценти од гласовите, објави Централната изборна комисија на Русија по пребројување на 100 проценти од гласачките ливчиња.
Комунистичката партија се најде на второ место со 18,93 проценти од гласовите, Либерално -демократската партија го зазема третото место со 7,55 проценти, додека Само Русија е четврта со 7,46 проценти од гласовите. Друга партија, која успеа да го помине цензусот – Нови луѓе, ја доби довербата од 5,32 проценти од граѓаните, пренесе „Спутник“.
Покрај гласањето за партиските листи, поединци беа избрани и во еднопартиски изборни единици. И тука луѓето од Единствена Русија освоија најмногу гласови – од 250 области, тие победија во 198.
Кандидатите на Комунистичката партија собраа најмногу гласови во девет изборни единици, а од Само Русија беа подобри во осум. Според ЦИК, пет непартиски личности од единечни изборни единици влегуваат во Државната дума.
Изборите во Државната дума се одржаа од 17 до 19 септември. Излезноста беше нешто повеќе од 51 процент.