Американската полиција објави снимка на која се прикажани хаотичните моменти откако полицајци пристигнале на местото на масовното пукање во централната банка во Кентаки, кога вооружен маж кој не можеле да го видат од улицата отворил оган врз нив.
Еден полицаец бил застрелан во главата неколку минути откако пристигнал на местото на пукањето. Заменик началникот на полицијата Пол Хемфри на прес-конференција зборуваше за клучните детали од снимката и ги пофали полицајците за нивната храброст.
Полицијата добила дојава за пукање во 8 часот и 38 минути, а на местото на настанот пристигнале двајца полицајци три минути подоцна. Тие не ни излегле од автомобилот кога вооружениот напаѓач почнал да пука во нив.
„Назад, назад, назад“, извикува еден од полицајците, додека во позадина се слушаат пукотници.
BREAKING
Louisville Metro Police has already released bodycam footage of yesterday's bank killer & their neutralization of the target. pic.twitter.com/3IKKSHvyfL
— Sebastian Gorka DrG (@SebGorka) April 12, 2023
Фотографија од надзорната камера го прикажува 25-годишниот напаѓач во фармерки, сина кошула и патики како држи пушка додека е опкружен со скршено стакло внатре во зградата. Полицијата тврди дека напаѓачот поставил заседа за да ги нападне полицајците веднаш штом пристигнале.
Хемфри објаснил како полицајците не можеле да го видат напаѓачот низ стаклената влезна врата поради одразот, додека тој добро ги гледал. На видеото се гледа како полицаецот вади пушка од багажникот на патролното возило и им наредува на колегите да го покријат.
Во престрелката загинаа пет лица, а осум се ранети.