Вулканот Ебеко исфрлил пепел до височина од 2,5 километри, соопшти главната управа на министерството за вонредни ситуации на Русија за регионот Сахалин.
Пепелта се проширила на северот на растојание од повеќе од пет километри.
Ебеко три дена исфрла пепел. Според експертите, постои голема веројатност да дојде до ерупција.
On the #Kuril Islands, the Ebeko volcano threw out a column of ash 2.5 km high. pic.twitter.com/UnTVB5LTSv
— NEXTA (@nexta_tv) March 1, 2023
Вулканот Ебеко е висок 1.156 метри и се наоѓа на островот Парамушир, седум километри северозападно од Северо-Курилск на северниот дел од гребенот Вернадски.
Редовни ерупции на вулканот се регистрирани од 20 октомври 2016 година.
Рекордно исфрлање пепел е регистрирано на 31 август 2018 година, кога чадот стигнал на шест километри од новиот кратер на вулканот, формиран во 2017 година.