Претседателот на движењето „Двери“, Бошко Обрадовиќ на прес-конференција објави дека „поднесува оставка поради изборниотнеуспех“.
„На новото раководство на движењето Двери му посакувам успех. Идејата за Двери е неуништлива и поголема од секој поединец, затоа нема очај, но има морал и преземање одговорност во политиката“, рече Обрадовиќ, кој во партиското седиште ја прочита и потпиша неотповикливата оставка.
„На крајот на мојата кариера, ќе ја пробијам целосната медиумска блокада и цензура во Србија и нема да има режимски медиуми кои нема да известуваат за мене денеска. Денеска сите режимски медиуми ќе треба да соопштат дека поднесов оставка од функцијата претседател на Движењето Двери“, рече Обрадовиќ, кој изјави дека останува во Движењето.
Тој најави дека ќе паузира од јавните и медиумските настапи, нагласувајќи дека ја „презаситил“ јавноста со своите јавни медиумски настапи и дека тоа треба да го направи некој друг во име на Двери.
„Не ги послушав тројцата политички советници кои ми го сакаа најдоброто, бидејќи мислев дека сум попаметен. Тоа се мојата сопруга, мајка ми и свекрвата. Сите тие ме советуваа да не спомнувам имиња, дека поради тоа ќе се повредам и мислев дека сум доволно силен за да се справам со тоа. Но, се чини дека картелите што владеат со Србија се посилни“, вели Обрадовиќ.
Тој вели дека на овие избори некој имал цел суверените и проруски политички опции да останат под цензусот.
На конференцијата неколку пати повтори дека никогаш не бил на власт, а не била ниту неговата коалициона партнерка на списокот на народниот собир, Милица Ѓурѓевиќ Стаменковски, но дека граѓаните не решиле да им дадат шанса за тоа.
Како најголем проблем на лошиот изборен резултат, Бошко Обрадовиќ оценува дека не се обединиле сите суверени и патриотски политички опции и за тоа, како што истакнува, никако не е виновен Двери.