Објавено ВИДЕО од трагичната несреќа во Грција, бројот на жртви се зголеми на 43

Грчката телевизија доцна синоќа објави видео од моментот кога се судрија двата воза во Грција, а во меѓувреме беше објавено дека бројот на загинати се искачи на 43.

На видеото кое го објави ЕРТ се гледа моментот кога патнички воз директно се судрил со комерцијален воз.

Забележано е дека по иста пруга се движеле двата воза. Поточно, патничкиот воз кој се движел кон Солун директно се судрил со комерцијалниот воз кој се движел во спротивна насока, пренесува „Катимерини“.