Од следната година Париз од мотоциклистите ќе бара да плаќаат паркинг, цената за еден час е астрономска

од desk4

 

Од следната година Париз ќе побара од мотоциклистите да плаќаат паркинг. На ваков начин градот ќе се обиде да ја намали бучавата и загадувањето.
Од јануари, 2022 година моторциклистите кои не живеат во централните зони на главниот град на Франција ќе мораат да плаќаат три евра на час за паркирање и по 2 евра за околните населби, пишува во соопштението на градскиот совет.
Цената е половина од новите цени за паркирање автомобили.
Електричните мотоцикли можат да се паркираат бесплатно, а луѓето што живеат во главниот град на Франција можат да плаќаат и годишен билет за мотор од 22,50 €.
„Голем дел од париското население силно ги сака овие нови правила“, изјави заменик-градоначалникот Дејвид Белиард за весникот „Ле Паризиен“, велејќи дека тоа ќе ги охрабри луѓето да купуваат почисти возила што произведуваат помалку бучава.
Планот е дел од стратегијата за намалување на бројот на места за паркирање во Париз, со цел да се искористи тој простор за велосипедски патеки, паркови и тераси. Има за цел да ги намали и сообраќајот и загадувањето.

Слични содржини