Специјалната јавна обвинителка Катица Јанева денеска се појави на судењето на Зоран Заев за случајот „Пуч“.
Таа побара одлагање на судењето за месец март, со цел да ги разгледа доказите. За случајот „Пуч“ е закажано ново рочиште за 2 март, а целиот тим на Катица Јанева ќе врши увид во случајот.
На излегување од судот лидерот на СДСМ кусо изјави дека целата 2015 год. била потррошена само на излез на вистината.
„2016-та е година кога ќе се врати правдата, ќе има економски натпревар и ќе се димензираат економските текови во Република Македонија, со промена на власта на наредните парламентарни избори“, рече Заев.
Судењето кое првично беше закажано во август минатата година постојано се одложуваше се до преземањето на случајот од специјалното обвинителство кога и Заев се појави во судница. Дотогаш лидерот на опозицијата не доаѓаше на рочоиштата.
Покрај Заев во „Пуч“ обвинети се и поранешниот разузнавач Зоран Верушевски, неговата сопруга Соња, како и еден вработен во општина Струмица и еден во МВР. верушевски по барање на СЈО беше ослободен од притвор.