Има големи протести против одржувањето на Олимписките игри во Токио, кои се планираат за нешто повеќе од два месеци. Откако тамошната јавност изрази големо спротивставување на домаќинот на најголемиот спортски настан поради можноста за ширење на пандемијата на коронавирус, сега се огласи и официјален претставник, пренесува „Н1“.
Официјалниот партнер на Олимписките игри, Асахи Шимбун, повика на откажување на Летните игри, повикувајќи се на ризиците по јавната безбедност и оптоварувањето на здравствениот систем од пандемијата на вируси Ковид-19.
– Го молиме премиерот Сугу смирено и објективно да ја процени ситуацијата и да одлучи да ги откаже настаните ова лето – пишува во воведниот дел на весникот „Асахи“.
Поголемиот дел од Јапонија, вклучувајќи го и градот-домаќин Токио, сè уште е под трета вонредна состојба, што се очекува да биде продолжена и по овој месец. Анкетата покажа дека поголемиот дел од јавноста се противи на одржувањето на Игрите ова лето, загрижена за десетици илјади спортисти и официјални лица кои доаѓаат во земја, која од минатата година е главно затворена за странци.