Денес, околу 70.000 Чеси успеаја да ги соберат чешките радикални националисти заедно со другите маргинални вонпарламентарни партии на Вацлавскиот плоштад во Прага за демонстрации против чешката влада, Европската унија, НАТО, ОН и за воената неутралност на Чешката Република и политичкиот сврт кон Русија, кој очекуваат дека во тој случај ќе им даде обезбеден евтин гас.
„Целта на нашите демонстрации е неопходноста од промени. Најпрво, решавање на проблемите со струјата и гасот што ќе предизвикаат уништување на нашата економија веќе оваа есен. Побаравме од премиерот Петар Фијала да преговара со нас, но немаме одговор. Затоа ќе бараме оставка од владата“, изјави Јиржи Хавел, еден од организаторите на протестот.
Главното барање на организаторите на овој протест „Прво Чешка“ е коалициската влада на премиерот Фијала да поднесе оставка, да се смени надворешнополитичката насока на земјата кон Русија, од која се очекува евтин гас и Чешка да прогласи воена неутралност, но и да почнат да носат одлуки независно од Светската трговска организација или ОН.
„Чешка мора да се ослободи и да не биде директен политички субјект на ЕУ, СТО и ООН“, стои во поканата за протестот.
Како прво итно барање, освен итна оставка на владата, демонстрантите поставија владата во оставка да овласти експерти од радикални националисти, комунисти и други антисистемски движења и иницијативи да склучат договор со Русија во име на Чешка за итна испорака на евтин гас.
Тие бараат и заминување на чешките производители од европските берзи за електрична енергија и да се ослободи целата чешка економија од странски капитал и компании.
Now Prague rises against globalist policies.
50 000 people demand that the Czech Republic interests come first!
They seek a neutral position on Ukraine and lower gas prices.
🙌💪🙌 pic.twitter.com/lMEypIEOnG
— Kat A 🌸 (@SaiKate108) September 3, 2022
Демонстрантите дојдоа на плоштадот Вацлав опремени со тапани и свирчиња, национални знамиња и скандираа да се отстрани украинското знаме од Националниот музеј на врвот на плоштадот, каде што стојат противниците на демонстрантите.
На транспарентите има и пораки до Владата дека „веќе се преврива вода за секоја свиња“, а исклучок не се антиукраинските пораки како на пример. барањето владата „да престане систематски да го дели чешкиот народ од украинците“.