ОН ги прозваа САД поради извештаите за шпионирање на Гутереш

Обединетите нации официјално изразија загриженост до САД поради извештаите за американско шпионирање на генералниот секретар на ОН Антонио Гутереш и други високи функционери на светската организација.

Портпаролот на ОН, Стефан Дижарик, истакна дека на Американците им било јасно ставено до знаење дека таквите дејствија не се во согласност со обврските на САД наведени во Повелбата на ОН и Конвенцијата на ОН за привилегии и имунитети, пренесе „Ројтерс“.

Претходно беше наведено дека некои од документите од извештајот покажуваат како Вашингтон внимателно го следел Гутереш, а неколку од нив ја опишале и приватната комуникација меѓу првиот човек на ОН и неговиот заменик, пренесува Би-Би-Си.