РАКОТ И ДЕБЕЛИНАТА се два главни здравствени проблеми кои погодуваат милиони луѓе ширум светот. Иако многу намирници се рекламираат како „здрави“, некои од нив всушност можат да придонесат за овие состојби кога се консумираат редовно или во големи количини. Навидум здравата храна може да има негативен ефект врз телото, да го зголеми воспалението, да ги наруши метаболичките процеси и да промовира зголемување на телесната тежина. Затоа, онколозите предупредија на три работи кои треба да ги исфрлиме од исхраната за да го намалиме ризикот од рак.
1. Овошни сокови и спортски пијалоци
Само затоа што пијалокот го содржи зборот „овошје“ не значи дека е здрав, велат експертите.
„Овошните сокови и спортските пијалоци често се полни со шеќер, што може да придонесе за зголемување на телесната тежина, воспаление и зголемен ризик од разни видови рак“, предупредува онкологот др. Сју Клентон за SheFinds.
Тој додава дека не треба да се залажуваме со овие навидум безопасни пијалоци, бидејќи тие можат негативно да влијаат на нашето целокупно здравје.
„Високиот внес на шеќер е поврзан со дебелината, отпорноста на инсулин и хроничното воспаление, а сето тоа го зголемува ризикот од развој на различни видови на рак“, објасни таа.
2. Растително млеко со вкусови
Иако неочекувано, растителните млека од продавница, како што се бадемот или сојата, може да содржат шеќер и други вкусови.
Докторот Мајкл О. Мекини истакнува дека некои млека од растително потекло користат карагенан како згуснувач, а истражувањата покажале дека оваа состојка може да предизвика иритација на цревата, што е предуслов за развој на колоректален карцином. Тој препорачува да се изберат природни растителни млека без адитиви.
„Ако првата состојка не е млеко, јаткасти плодови, семки или соја, постои голема шанса да содржи додадени шеќери или други нездрави состојки“, вели тој.
3. Вештачки засладувачи
Често присутни во диететски производи без шеќер, вештачките засладувачи како што се аспартамот и сукралозата може да изгледаат како добра алтернатива. Но, некои истражувања ги поврзуваат со зголемување на телесната тежина, отпорност на инсулин и зголемена желба за слатки.
Иако тие можат да го намалат внесот на калории на краток рок, вештачките засладувачи може да го зголемат долгорочниот внес на шеќер. Според диететичарот Лиза Ричардс, „замените за шеќер можат да предизвикаат поголема желба за шеќер отколку вистинскиот шеќер, бидејќи тие се многу пати послатки, што може да нè десензибилизира на природната сладост на вистинскиот шеќер“.
Покрај тоа, Ричардс наведува дека вештачките засладувачи можат да предизвикаат прејадување. „Друг ефект на вештачките засладувачи е можноста за прејадување при следниот оброк“, вели таа. На долг рок, овие желби за шеќер може да придонесат за прејадување, зголемување на телесната тежина и зголемен ризик од сериозни болести, како што е дијабетес.
Д-р. Клентон заклучува дека вештачките засладувачи и одредени конзерванси, како што е БПА, можат да ја нарушат хормоналната регулација и потенцијално да придонесат за развој на карциноми чувствителни на хормони.