Општина Центар му додели еднократна парична помош во висина од 400.000 денари на градот Петриња, Р. Хрватска.
-Најавите се остварија – на денешната седница Советот на Општина Центар додели еднократна парична помош во висина од 400.000 денари на градот Петриња, Р. Хрватска!Овие средства ги донираме во знак на помош и поддршка на нашите пријатели од Петриња по разорниот земјотрес од 6,2 степени по Рихтеровата скала, во кој на 29-ти декември минатата година загинаа 7 лица, многумина ги загубија своите домови, а целиот град беше претворен во рушевина.Со овој чин на дело ја покажуваме нашата солидарност кон соседите во овие тешки времиња, а средствата во најбрз можен рок ќе им бидат на располагање на граѓаните на Петриња, информираше градоначалникот на општина Центар Саша Богдановиќ.