ТЕКОВНАТА ситуација со пандемијата, која добива вртоглави статистики во Франција, може да има светла страна.
Имено, фактот што дневно се заразуваат над двесте илјади луѓе, како и екстремно високото ниво на вакцинација, од над 91 отсто на возраст над 12 години, може да доведе до толку очекуваниот колективен имунитет, веќе во 2022 година.
– Оптимистичкото сценарио е да се стекне двоен имунитет, вакцинален и природен, веројатно многу брзо по сојот омикрон. Затоа, би можеле да се надеваме дека 2022 година ќе го донесе колективниот имунитет по кој толку многу копнеевме во 2020 година и за кој знаевме дека е толку тешко да се постигне, ги пренесоа француските медиуми зборовите на инфектологот Банжамин Давидоа.
Имајќи предвид дека меѓу 80 и 90 проценти од вкупното население се потребни за колективен имунитет, тоа би значело дека сите сто проценти од возрасните треба да бидат вакцинирани, што е практично невозможно. Значителен број на заразени луѓе кои стекнуваат природен имунитет би можеле на тој начин да ја пополнат статистичката празнина создадена од антиваксерите.