Орбан: Насилството меѓу мигрантите во пораст, бриселскиот пакт за миграција пропадна

Унгарскиот премиер Виктор Орбан објави дека заедничката гранична патрола на Србија и Унгарија неодамна била нападната со автоматско оружје и посочи дека насилството со мигрантите е во пораст.

Орбан во вторникот на платформата „Х“ (Твитер) изјави дека е време сите да се соочат со вистината дека бриселскиот договор за решавање на прашањето со мигрантите е неуспешно.

„Насилството меѓу мигрантите е во пораст. Пред три ноќи беше нападната заедничката гранична патрола на Унгарија и Србија, пукаа од автоматско оружје. Со ова мигрантите го преминаа Рубикон. Време е да се соочиме со фактите: бриселскиот пакт за миграција пропадна. “ изјави Орбан.