Претседателот на Собранието на Косово, Вјоса Османи, реагираше на веста од медиумите дека претседателот на Србија, Александар Вучиќ, побарал од Турција да изврши притисок врз Косово да не отвора амбасада во Ерусалим.
Османи објави на Твитер дека на Вучиќ му требаа нешто повеќе од 24 часа да го прекрши договорот потпишан во Белата куќа во Вашингтон за стопирање на кампањата против признавањето на Косово.
„На Вучиќ му беа потребни повеќе од 24 часа да ја прекрши точката 15, со обврска што ја потпиша во Вашингтон, со која се бараше да ја запрат кампањата против признавањето и да се воздржат од формални или неофицијални барања од другите да не го признаваат Косово. Толку типично за Србија“, изјави Османи.
It took Vucic a little more than 24 hours to violate point 15 of the commitments he signed in D.C., which requires them to cease the derecognition campaign & refrain from formally or informally asking others not to recognize Kosovo. So typical of Serbia. pic.twitter.com/GipfQvgj6j
— Vjosa Osmani (@VjosaOsmaniMP) September 6, 2020
По повод најавата за признавање на Косово од Израел, Вучиќ на прес-конференцијата по состанокот во Брисел рече: „да видиме што ќе им каже Ердоган на Хашим Тачи и Авдулах Хоти“.
„Ги разбирам политичките игри во кои некој сака да каже дека уште една муслиманска земја ќе го признае Израел“, рече Вучиќ, алудирајќи на Косово.
„Одлично е ако Косово го признае Израел, но прво Израел мора да го признае Косово, а потоа Косово нека си ја работи својата работа… Да видиме што ќе им каже Ердоган на Хашим Тачи и Авдулах Хоти“, рече Вучиќ.
Тој додаде дека Србија и Израел се пријателски земји.
„Тие се наши пријатели, браќа и се надевам дека ќе останат така и уште еднаш ги замолувам да размислат каква одлука ќе донесат“, рече Вучиќ.