Османи негативен на Ковид 19, останува во изолација

Вицепремиерот за европски прашања Бујар Османи на својот Фејсбук објави дека по една недела во изолација го направил првиот тест за Ковид-19 и дека резултатот е негативен.

Сепак како што стои во објавата, треба да остане во изолација уште седум дена, по што ќе следува и второ тестирање.

Османи беше дел од владините претставници кои завршија во самоизолација откако присуствуваа на состанок во Куманово на кој беше и градоначалникот Максим Димитриевски, кој еден ден потоа објави дека е позитивен на новиот коронавирус.