Оваа храна може да го зајакне вашето срце

од Vladimir Zorba

Доколку сакате да го зајакнете срцето, треба да вклучите одредени намирници во исхраната бидејќи делуваат исклучително благотворно.

Зелениот лиснат зеленчук како спанаќот, кељот и зелката се на прво место. Следат брокула и моркови. Кога станува збор за овошјето, јадете повеќе јаболка, банани, портокали, круши, грозје и сливи.

За зајакнување на срцето, консумирајте и овесна каша, кафеав ориз и леб од цело зрно и млечни производи со малку маснотии како млеко, сирење или јогурт.

Храната богата со протеини која ќе го заштити вашето срце вклучува: риба богата со омега-3 масни киселини (лосос, туна и пастрмка), посно месо како пилешко и мисирка, јајца, јаткасти плодови, семки и мешунки.

Возрасните и децата над 14 години треба да јадат помалку од 2.300 милиграми натриум дневно. Ако имате висок крвен притисок, можеби ќе треба уште повеќе да го ограничите внесот на натриум и најдобро е да се консултирате со вашиот лекар.

Слични содржини