Астрологијата вели дека соѕвездието под кое сме родени до некој степен го одредува тоа колку сакаме да се дружиме. Има луѓе за кои животот има смисла само ако се опкружени со други и луѓе кои ја сакаат осаменоста и знаат да уживаат во неа или да се повлечат во неа поради несигурност.
Астролозите велат дека овие четири знаци од хороскопот особено сакаат да бидат сами.
Близнаци
Близнаците важат за многу комуникативни и забавни луѓе кои сакаат да се дружат. Сепак, тие имаат и своја „друга страна“. Ним им треба време да донесат каква било одлука, па тоа им создава одредена тензија.
Во овие ситуации, Близнаците се повлекуваат во самотија и сакаат да бидат „оставени сами на себе“. Најдобро се чувствуваат сами во своите „четири ѕида“. Кога ќе ја поминат таа фаза и ќе донесат одлука, со задоволство ќе излезат меѓу луѓето што ги сакаат и ќе продолжат да бидат главен забавувач во друштвото.
Рак
Раковите се несигурни, а недостатокот на самодоверба им е главната фрустрација и причина за нервоза, која доаѓа до израз секогаш кога ќе се најдат во нова и непозната ситуација.
Тогаш Ракот се повлекува во својот оклоп и одбива да се дружи. Ужива во моментите кога може да се опушти и да не размислува што мислат другите за него и околу него.
Времето што го поминува сам го користи за размислување за своите постапки и на тој начин ја подига својата самодоверба.
Девица
Девиците се срамежливи по природа и сакаат да бидат сами, бидејќи големите друштва ги заморуваат. Тие се повлечени и не сакаат големи собири.
Девиците ја сакаат самотијата. Затоа често ќе изберат да останат дома наместо да се дружат, освен ако мислат дека дружењето ќе им донесе некаква корист.
Водолија
Водолиите, колку и да ги сакаат луѓето, припаѓаат на „осамените волци“. Опкружени се со големо друштво, но малку се оние на кои им дозволуваат целосно да им пристапат и со кои се блиски. Овој воздушен знак во суштина ја сака осаменоста што му овозможува подобро да се запознае себеси.
Водолајата може да лежи на каучот со денови и да гледа филмови еден по друг. Ги сакаат луѓето, но и топлината на својот дом. Би можеле да останат во нивните четирите ѕида до крајот на животот. На Водолијата дефинитивно не ѝ треба друштво за да се чувствуваат одлично.