Падна првиот снег во Скопје

од Берта Китинска

Во главниот град во овие моменти започна да паѓа снег.

Според прогнозата до крајот на денот во поголем дел од земјава ќе се формира снежна покривка, а во западните делови позначително ќе се зголеми. Ќе дува слаб до умерен ветер претпладне од јужен, а попладне од северозападен правец.

Времето утре ќе биде променливо облачно и студено, во текот на денот со повеќе сончеви периоди. Ќе дува слаб до умерен ветер од северен правец, поизразен вдолж Повардарието.

Во сабота времето ќе биде променливо облачно и студено со умерен, вдолж Повардарието засилен северен ветер. На места ќе провејува снег.

Во недела пак времето ќе биде сончево со умерена облачност и многу студено. Ќе дува слаб до умерен, а вдолж Повардарието засилен северен ветер.

Во понеделник времето ќе биде сончево со мала до умерена облачност и многу студено. Ќе дува слаб до умерен северен ветер, поизразен вдолж Повардарието.

Според мерењата од 16 часот денеска, најмногу снег има на Попова Шапка, 31 сантиметар, а најниска температура од 0 степени во Крива Паланка.

loading...

Слични содржини