Во Франција се уапсени три жени осомничени за подготвување на терористички напад. Тоа го јавува РИА “Новости”, повикувајќи се на министерот за внатрешни работи на земјата Бернар Казнов.Жените се приведени во департментот Есон во текот на антитерористичка операција. Една од нив пружила  отпор и ранила полицаец со нож.

Уапсените се на 19, 23 и 39 години. “Франс прес” нагласува дека тие се “фанатички”. Во меѓувреме, во мрежата се појави видео од спецоперацијата на француската полиција. Кадрите се направени од очевидци. На нив се гледа како една од осомничените се обидува да избега од полицајците извикувајќи “Алах акбар”.

Како што Локално.мк веќе  соопшти пред познатата париска катедрала “Нотр дам” беше откриен  автомобил со седум плински боци во багажникот. Излезе дека возилото е сопственост на родителите на една од осомничените.