Актерката Памела Андерсон изненади многу обожаватели објавувајќи дека повторно се омажила. Само една година по завршувањето на бракот кој траеше само 12 дена, Памела повторно го рече судбоносното „да“, и објави дека се омажила за својот телохранител Дан Хејхурст.
Убавата русокоса родена во Канада, позната по улогата во хит серијата „Чувари на плажата“, е една од оние кои и покрај сите разочарувања во минатото, никогаш не губат верба во љубовта.
Се чини дека карантинот влијаеше позитивно на нејзиниот живот, бидејќи таа е повторно вљубена.
За време на карантинот, Памела се вљуби во својот телохранител, а парот се венчал на Божиќ минатата година.
Ова е шести брак за поранешната зајачица на Плејбој.
„Јас сум токму таму каде што треба да бидам, во прегратките на човекот кој ме сака“, рече Памела, пренесува „Дејли меил“.