Нашите репрезентативци приредија првокласно изненадување во Дуизбург, каде ја совладаа Германија со 2:1 во третото коло од квалификациите за Светското првенство во Катар.
По завршувањето на натпреварот тие можеа да го прослават овој голем успех со Македонците од Дуизбург и околината кои се собраа по натпреварот пред автобусот, надвор од стадионот.
Иако повеќето опкружени навивачи имаа маски, секако, овој собир го привлече и вниманието на германските медиуми, кои му дадоа интересно име: „Пандевмија во Дузибург“, во чест на стрелецот на првиот гол на мечот, македонската легенда Горан Пандев.
Big Party in Duisburg! 🇲🇰 Fans of North Macedonia celebrating after 2-1 victory against Germany 🇩🇪 Their hero: Goran Pandev #GERMKD @SPORT1 pic.twitter.com/9UYW3SWWhk
— Patrick Berger (@berger_pj) March 31, 2021
Со овој триумф Македонија изби на второто место на табелата со 6 бодови колку што имаат и трето рангираните Германци. Први на табелата се Ерменците кои во оваа рунда на домашен терен ја совладаа Романија со 3-2.
Токму против Ерменија во Скопје на 2 септември нашата селекција ќе ги продолжи Мундијалските квалификации, а во меѓувреме во јуни месец, Македонија ја очекува дебитантскиот настап на Европскиот шампионат на кој во групата ќе играме против Австрија, Украина и Холандија.