Патријархот Иринеј позитивен на коронавирус

Патријархот Иринеј бил заразен со коронавирус и бил примен во специјалната ковид болница во Белград, објави вечерва Српската православна црква (СПЦ).

„Како дел од редовната постапка за тестирање, и по епидемиолошката проценка, беше извршен PCR-тест на САРС КОВ2, кој потврди дека Неговата Светост Српскиот патријарх г. Иринеј е позитивен без симптоми и одлична општа состојба. Неговата Светост беше хоспитализирана во ковид болницата во Белград“, се наведува во соопштението на Српската православна црква.

Во неделата, 1 ноември, патријархот Иринеј присуствуваше на погребот на митрополитот Амфилохије во криптата на Храмот Христово воскресение во Подгорица.