Пеле пуштен од болница во стабилна состојба

Фудбалскиот великан Пеле (81) излезе од болницата во Сао Паоло, но продолжува со лекувањето од туморот на дебелото црево.

„Едсон Арантес до Насименто беше пуштен од болницата „Алберт Ајнштајн“. Пациентот е во стабилна состојба и ќе продолжи со лекување на туморот на дебелото црево кој беше откриен во септември“, се наведува во соопштението на здравствената установа во Сао Паоло.

Пеле беше примен во болница на 8 декември поради хемотерапија, а претходно беше хоспитализиран речиси еден месец по операцијата за отстранување на туморот.

Славниот фудбалер беше во селекцијата на Бразил која ги освои Светските првенства во 1958, 1962 и 1970 година, а во својата земја е најдобар стрелец на сите времиња со 77 гола на 92 натпревари.