Пендаровски до Јанкуловски и Здравкин: „Вашата хуманост и неуморна работа се за секоја почит“

Претседателот на С. Македонија Стево Пендаровски јавно им честита на Денис Јанкуловски и Ленче Здравкин, кои се добитници на државната награда „Мето Јовановски“ за остварувања во областа на промоцијата, заштитата и унапредувањето на човековите права.

„Честитки до Денис Јанкуловски и Ленче Здравкин, добитници на државната награда „Мето Јовановски“ за остварувања во областа на промоцијата, заштитата и унапредувањето на човековите права“, напиша Пендаровски на својот профил на Фејсбук.

Вашата хуманост, наведува претседателот, и неуморна работа за подобрување на нашето општество и почитувањето на човековите права е за секоја почит.