Пендаровски: Не знаеме кои се 14-те починати, повикани се роднини да дадат материјал за идентификација

По обдукцијата ќе се започне со постапката за идентификација на лицата. Во овој момент ние се уште не знаеме кои се 14-те лица, рече претседателот Стево Пендровски при денешната посета на местото на несреќата во модуларната болница во Тетово.

-Повикани се роднини на тие што се лекувале во болницата да дадат материјал за идентификација, бидејќи идентификација на лицата со оглед на се што се случи оди тешко. Затоа се бара ваква помош, не може визуелно да се идентификуваат, истакна Пендаровски.