„Дискутиравме за поддршката за официјално започнување на пристапните преговори на С. Македонија и потребата Советот на ЕУ да се согласи за преговарачката рамка. Важно е Северна Македонија и Бугарија да најдат заемно прифатливо решение за билатералните прашања“, објави еврокомесарот за проширување Оливер Вархеји на Твитер по средбата што ја имаше утрово со македонскиот претседател Стево Пендаровски.
Претседателот на Македонија престојува во дводневна посета на Брисел каде што ќе има средби во ЕУ и во НАТО.
#NorthMacedonia: Welcomed President @SPendarovski in Brussels today. Underlined support for official launch of accession talks&need for @EUCouncil to agree on negotiating framework. Important that North Macedonia & #Bulgaria find mutually acceptable solution for bilateral issues. pic.twitter.com/VEMVGMZw1z
— Oliver Varhelyi (@OliverVarhelyi) April 27, 2021
Тој денеска се сретна со Вархеји како и со специјалниот претставник на ЕУ за западен Балкан, Мирослав Лајчак и со шефот на ЕУ дипломатијата. Јосеп Борел.
За попладне се предвидени средби со претседателот на Европскиот Парламент, Давид Сасоли и со Европскиот Совет, Шарл Мишел.