Меѓуетничките односи и евроатлантската ориентација се двата столба на С. Македонија и оспорувањето на Охридскиот рамковен договор, кој ги регулира внатрешните меѓуетнички односи во земјата, на Договорот од Преспа, кој го реши долгогодишниот спор меѓу Скопје и Атина за името на државата и Договорот со Бугарија, без да се донесе одлука за идниот пат на државата, не е разумна политика, смета претседателот и кандидат за втор претседателски мандат, Стево Пендаровски.
„За сите пратеници, министри, членови на ВМРО-ДПМНЕ, додавката Северна е неприфатлива. Во ниту една од нивните јавни изјави не кажаа Северна Македонија, што е уставното име на нашата земја, но, сепак, тие земаат плата во парламентот и во локалните самоуправи под ова име. Ако не признаваш Северна, го оспоруваш Преспанскиот договор. Јас велам во ред, што е алтернативата“, праша Пендаровски во интервју за ТВ Сител.
Пендаровски ја појасни својата изјава дека доколку ВМРО-ДПМНЕ успее да ја натера Бугарија да го промени Уставот за во него да го вклучи македонското малцинство во државата, тој ќе стане член на ВМРО-ДПМНЕ.
„Ми пречи кога некој ги лаже луѓето со години. Излегува дека „тие се неспособни, а ние не само што ќе ја смениме рамката за преговори, туку ќе ги вклучиме и Македонците во бугарскиот Устав“. Зошто утре, ајде денес да ги впишеме Македонците во бугарскиот Устав – нашето малцинство кое е малтретирано со децении, најмалку 70-80 години, поминало низ страшни маки и голгота, но кажете ми каков е тој магичен начин? Како ќе ги внесете во Уставот? Преку владата? Во бугарската влада денес клучен фактор е Бојко Борисов кој го потпиша Договорот за пријателство и добрососедство во 2017 година. И сега овој човек треба да каже дека овој договор не постои, ајде да направиме нов подобар за Македонците? Не верувам во тоа. И морав на ВМРО-ДПМНЕ на таков пародичен начин да им кажам дека не лажат, гледајќи не во очи. За да ги вклучиме Македонците во бугарскиот устав мора да се смени целосно затоа што во него нема малцинства. Не мислам дека светските сили можат да го сменат бугарскиот Устав како што мисли опозициската партија, која смета дека е фактор број еден во светот“, рече Пендаровски.
Во вториот круг од претседателските избори, кои ќе се одржат заедно со парламентарните избори на 8 мај, Пендаровски очекува да победи со поддршка од сите етнички заедници, бидејќи како што вели, „никој не може да стане претседател ако не добие широка граѓанска поддршка“.