Пендаровски во посета на Хрватска на покана на Милановиќ

На покана на претседателот Зоран Милановиќ, од утре сум во посета на Република Хрватска, објави претседателот Стево Пендаровски на својот Фејсбук профил.

В четврток, претседателот Пендаровски ќе се обрати на билатерална деловна средба – со фокус на инвестиции која се организира во соработка со Хрватската трговска комора, а на која ќе присуствува и македонска бизнис делегација.

-Во Загреб ќе се сретнам и со претседателите на Владата и на Парламентот, Андреј Пленковиќ и Гордан Јандроковиќ, додаде Пендаровски.