Соединетите Американски Држави се свесни за извештаите дека Иран лансирал беспилотни летала кон Израел, но немаат што да споделуваат во овој момент, изјави портпаролот на Пентагон за РИА Новости.
„Свесни сме за извештаите, но немам што да споделам во овој момент“, рече функционерот.
Претходно медиумите објавија дека Иран веќе лансирал десетици беспилотни летала кон Израел.
Израелската армија излезе со итно соопштение. Тие велат дека се подготвени да се справат со иранските беспилотни летала веднаш штом пристигнат.
Иран го нападна Израел со лансирање на десетици беспилотни летала, а се проценува дека ќе им требаат неколку часа за да го поминат растојанието и да стигнат до целите.
Ирански напад врз Израел се очекува веќе неколку дена, откако Израелците го погодија иранскиот конзулат во Сирија.
Израелските власти претходно изјавија дека се подготвени да се одбранат и дека очекуваат ирански напад. Во таа насока, тие забранија собири низ целата земја.