Бидејќи температурите продолжуваат да растат, важно е да се запамети дека тие исто така можат да бидат опасни. Со оглед на тоа дека јули и август се пред нас, големите горештини ќе ни бидат секојдневие.
Иако овие месеци ќе уживаме во пливање и други летни активности, треба да бидеме внимателни и да избегнуваме здравствени проблеми поврзани со жештините, особено топлотниот удар.
Топлотниот удар е сериозна медицинска состојба која обично е предизвикана од високи температури или вежбање. Во оваа состојба, телото повеќе не може да се олади и внатрешната температура достигнува опасно високи нивоа.
Лицата постари од 75 години, бебињата, луѓето кои имаат сериозна или долготрајна болест се изложени на најголем ризик од топлотен удар.
Еден тивок симптом на оваа состојба е чувството на голема вруќина, но без потење. Ако некој покажува знаци на топлотна исцрпеност, треба да се излади и да му се дадат течности.
Други симптоми на топлотен удар
Ако предолго седите на сонце, може да доживеете нешто што се нарекува топлотна исцрпеност. Тоа е природна реакција на телото на прегревање, прекумерно губење на вода и сол, обично поради прекумерно потење.
Кога тоа ќе се случи, може да почувствувате главоболка, вртоглавица и конфузија, гадење и грчеви. Меѓутоа, за топлотна исцрпеност, вашите симптоми треба да исчезнат за помалку од 30 минути по ладењето.
Топлотниот удар, од друга страна, е поопасен и трае подолго, но е многу поредок. Има причина за загриженост кога ќе почнете да ги искусувате овие пет екстремни симптоми:
– се чувствувате збунето
– губите свест
– имате напад
– температурата на вашето тело е над 40 Целзиусови степени
– дишете брзо или неправилно
Веднаш повикајте брза помош ако ги почувствувате овие симптоми.
Како да ги избегнете овие опасни состојби?
Експертите велат дека може да бидат потребни само десет минути за да се изгори на сонце, а 15 минути за да добиете топлотен удар, во најлошото сценарио.
Неколку начини кои можат да ви помогнат да останете освежени за време на жештините:
– држете се настрана од топлина ако можете
– ако треба да излезете надвор, бидете под сенка, особено од 11 до 15 часот, носете крема за сончање, капа и лесна облека.
– избегнувајте вежбање и други активности кои го загреваат вашето тело
– консумирајте ладна храна и пијалоци, избегнувајте алкохол, кофеин и топли пијалоци
– туширајте се со ладна вода
– затворете ги прозорците преку ден и отворете ги навечер кога температурата надвор ќе падне
– користете клима уред и вентилатори.