Истражувањата сугерираат дека некои зачини всушност се насочени кон маснотии во стомакот, да ја намалат надуеноста и да помогнат во слабеењето. Еве неколку што ќе ги најдете во секоја продавница.
Ѓумбир
Лековитите својства на ѓумбирот се познати, меѓу другото, тој може да помогне при многу проблеми со гастроинтестиналниот тракт, а една студија објавена во „Journal of Gastroenterology and Hepatology“ сугерира дека тој има единствена способност да го забрза празнењето на желудникот, пишува „Eat This, Not That.“.
Црн пипер
Пиперинот, моќно соединение кое му дава карактеристичен вкус на црниот пипер, се користи со векови во источната медицина за лекување на многу здравствени состојби, вклучувајќи воспаление и стомачни проблеми. Неодамнешните студии на животни откриле дека пиперинот исто така има способност да се меша во формирањето на нови масни клетки, што резултира во намалување на обемот на половината, телесните масти и нивото на холестерол.
Цимет
Циметот содржи моќни антиоксиданти наречени полифеноли кои ја подобруваат чувствителноста на инсулин. Студија објавена во „Archives of Biochemistry and Biophysics“ покажа дека додавањето цимет во храната ја намалува акумулацијата на маснотиите во стомакот. Исто така, студиите објавени во „American Journal of Clinical Nutrition“ покажаа дека додавањето лажичка цимет во скробен оброк може да помогне во стабилизирање на шеќерот во крвта и спречување на скокови на инсулин.
Чили пиперки
Капсаицинот е активна компонента на чили пиперките и се покажа дека ги намалува маснотиите во стомакот, го потиснува апетитот и ја подобрува термогенезата – способноста на организмот да согорува храна како енергија. Студија објавена во „American Journal of Clinical Nutrition“ открива дека дневната потрошувачка на капсаицин го подобрува губењето на маснотиите во стомакот, а студија на канадски истражувачи открила дека мажите кои јаделе зачинети предјадења, конзумирале 200 калории помалку во подоцнежните оброци од оние кои не јаделе.
Семки од сенф
Научниците од институтот Оксфорд откриле дека јадењето една лажичка сенф (околу 5 калории) може да го забрза метаболизмот до 25 проценти за неколку часа по оброкот. И не само тоа, студија објавена во „Asian Journal of Clinical Nutrition“ откри дека масното ткиво на стаорците се намалува кога диетата се надополнува со масло од сенф.