Петков: Правата на Бугарите во С. Македонија ќе бидат во центарот на нашите напори

Премиерот на Бугарија, Кирил Петков во видео обраќање ја оцени вчерашната средба на Советот за национална безбедност „како навремена и корисна дискусија“, соопшти бугарската владина прес-служба.

Според него, таа покажала дека сите учесници имаат заедничка цел – надминување на застојот во односите со Република Северна Македонија и давање нов почеток во стремежот за добрососедство.

„Владата ќе почне да работи на спроведување на програмата во различни области, а правата на Бугарите во Македонија ќе бидат во центарот на нејзините напори“, рече премиерот Петков.