Петров: 24 часовна контрола, загадувачите мора да се казнат

од Viktor Jovanov

Загадувачите мора да се казнат! Ерата на неказнивост завршува, напиша потпретседателот на СДСМ, Коста Петров на социјалните мрежи.

-Буџетот на МЖСПП мора да се зголеми! Со ова процесот на трансформација на јавните објекти и домаќинствата на незагадувачко греење ќе биде побрз. Повеќе инспектори на терен за да се спречува палења на стрништа, горење кабли за бакар, недозволено фрлање отпад. Воведување на постојана 24 часовна контрола на загадувачите и сите мали и средни капацитети од страна на државниот инспекторат за животна средина и локалните инспекторати, во соработка со граѓанскиот сектор преку воспоставување на граѓански зелени еко патроли. Вонредни контроли на сите издадени интегрирани еколошки дозволи и лиценци во животната средина, со особен акцент на загадувањето на воздухот и управувањето со отпад, собирање, фрлање, палење, напиша Петров на својот Фејсбук профил.

Тој исто така најави поголеми инвестиции во животната средина со цел да им се помогне на граѓаните да ги реновираат своите домови со што би трошеле помалку енергија,како и да се поддржи индустријата да биде лидер во зелената економија. Поефтини и поздрави форми на јавен превоз и алтернативен транспорт, и произведување на енергија која нема да влијае на климатските промени.

-Постепена забрана за користење на нееколошки енергенски во јавните институции идомаќинствата (јаглен, мазут, нафта, масло). Целта е до крајот на 2025 година минимум 60% од тежината на отпадот од пакувањето што е создаден на територијата на Македонија да се преработи или да се употреби за добивање енергија, а до крајот на 2025 година минимум 55%, а максимум 80% од тежината на отпадот од пакувањето што е создаден и собран на територијата на Македонија да се рециклира. До 2024 сите јавни институции ги префрлуваме на еколошки начин на греење, напиша Петров.

Одлична трибина на тема воздух во Тетово. Немаме време за губење. Мораме сите заеднички да работиме на долгорочно…

Публикувахте от Kosta Petrov в Сряда, 22 януари 2020 г.

Слични содржини