Поранешната министерка за одбрана и актуелна пратеничка, Славјанка Петровска открива дека вработени во Министерството за одбрана биле повикувани на разговор од претставници на Службата за воено разузнавање и безбедност поради учествувале на протестите организирани од страна на ,,Кој е следен” . Ова се случило после првиот одржан протест по прегазувањето на Фросина Кулакова.
Во објава на социјалните медиуми Петровска обвинува дека врз вработените бил вршен притисок да немаат никакви активности и поддршка за протестите, па според Петровска било забрането да се става дури и лајк на Фејсбук.
“Вчера, неколку вработени, истотака од претставници на Службата, биле опоменати “да внимаваат на што ставаат лајк и да не поддржуваат самонаречени жртви” Во услови на сложени геополитички односи и засилени активности на нашата територија на разузнавачки служби кои не се НАТО членки, чуварот на столчето во министерството за одбрана Мисалјовски вака ги поставува приоритетите. Вака горди не се станува! Многу скоро, со име и презиме, ќе ги објавам сите скандали на партиски притисоци врз вработените и професионалците во Министерството за одбрана и Армијата. Во услови на сложени геополитички односи и засилени активности на нашата територија на разузнавачки служби кои не се НАТО членки, чуварот на столчето во министерството за одбрана Мисалјовски вака ги поставува приоритетите” стои во објавата на поранешната министерка за одбрана Петровска.