Откако Twitter објави дека е постигнат договор за продажба на компанијата на Елон Маск за околу 44 милијарди долари, поранешниот шеф на платформата и ко-основач Џек Дорси го нарече преземањето на компанијата од милијардерот „единствено решение, на кое му верува“.
Зделката беше објавена од платформата во понеделникот по неколкудневни разговори меѓу најбогатиот човек на светот и Бордот на Twitter.
Се чини дека преземањето на Twitter имаше големо влијание на крипто-пазарот, особено со Dogecoin. Цената на DOGE се зголеми за речиси 30%. Пред извесно време Маск изјави дека тоа би можело да биде „валутата на Интернетот“. Неговата вредност скокна за повеќе од 30% преку ноќ поради шпекулациите дека промените направени на Twitter на Маск може да бидат корисни за Dogecoin.
Криптовалутата инспирирана од меме достигнаа повеќе од 0,16 долари во вторникот наутро, враќајќи ја на листата на топ 10 највредни криптовалути.
Dogecoin стана уште попозната минатата година, откако извршниот директор на Tesla продолжи да ја рекламира на социјалните мрежи, а само со спомнувањето на тоа од страна на Маск, цената растеше буквално за неколку минути.
Во тоа време, Маск стана нешто како мотор на пазарот на криптовалути со неговите твитови за Dogecoin и Bitcoin.
Во мај минатата година, неговите публикации го поттикнаа релито на Dogecoin до неговиот историски максимум од 67 центи, според Coin Metrics.