По осудувањето на руската инвазија, директорот на „Лукоил“ го напушти нафтениот гигант

Рускиот нафтен гигант „Лукоил“ објави дека неговиот извршен директор Вагит Алекперов ја напушта компанијата што ја основаше и ја претвори во еден од најголемите светски производители на енергија.

Во претходниот период, од почетокот на конфликтот во Украина, Алекперов загуби 3,5 милијарди долари, додека акциите на компанијата паднаа за 19%.

Алекперов, кој важи за четврти најбогат Русин, се противи на руската инвазија на Украина.

Велика Британија неодамна објави дека Алекперов е ставен на листата на санкции поради руската војна во Украина.

Алекперов беше прв човек на Лукоил од 1993 година, која е една од најголемите нафтени компании во Русија и произведува 2% од светското производство на нафта.