ПО ПОДМЕТНУВАЊЕТО НА ПОЖАРОТ: Запрено производството во германската фабрика на Tesla

од Vladimir Zorba

Американскиот производител на електрични автомобили Tesla мораше да го прекине производството во својата европска фабрика во близина на Берлин во вторникот поради подметнат пожар, соопштија компанијата и локалните власти.

„Во раните утрински часови дојде до прекин на струја во јавната мрежа, најверојатно поради подметнување пожар, што резултираше со прекин на производството“, изјави портпаролот на Tesla, прецизирајќи дека вработените биле испратени дома и дека не знаел кога производството би можело да продолжи.

Отворена во 2022 година, оваа „гигафабрика“, единствената фабрика на Tesla во Европа, го произведува Model Y, теренецот кој е крал на продажбата на електрични возила на континентот, а фабриката плаќа околу 11.500 вработени.

Регионалната влада соопшти дека се работи за „палење“ поврзано на електричен столб во близина на фабриката. Илјадници луѓе се доведени во опасност, соопштија регионалните власти, наведувајќи дека тоа е „чин на саботажа“.

Локалната полиција соопшти дека е отворена истрага поради „сомнение за подметнување пожар“.

Локацијата на фабриката, која се наоѓа во општината Груенхајде, шумска област јужно од Берлин, е на удар откако фабриката Tesla поднесе барање за нејзино проширување за 170 хектари.

За време на советодавното гласање организирано од општината на крајот на февруари, жителите го изразија своето противење на проектот и нивната загриженост, особено во однос на значителната потрошувачка на вода во „гигафабриката“.

Минатиот четврток, еколошки активисти почнаа да ја окупираат шумата во близина на фабриката за да се спротивстават на плановите за проширување. Изградиле куќички на дрвa за да спречат можни работи.

Полицијата одбива да шпекулира за можна поврзаност помеѓу пожарот и кампот што го подигнале активистите, рече портпаролот.

Со проширување на локацијата, за која се уште не е донесена конечна одлука, фабриката има намера да го удвои производството. Во моментов, германската фабрика на групацијата на Елон Маск произведува повеќе од 250.000 електрични автомобили годишно, со долгорочна цел од 500.000 единици.

Слични содржини