Гастон Глок, австрискиот инженер кој го создаде еден од најпродаваните пиштоли во светот, почина на 94-годишна возраст, соопшти денеска неговата компанија.
„Гастон Глок ја зацрта стратешката насока на Групацијата Глок за време на неговиот живот и ја подготви за иднината“, соопшти компанијата, додавајќи дека нејзиниот лидер направил револуција во светот на малокалибарското оружје, но и успеал да го воспостави брендот Глок како глобален лидер во индустријата за пиштоли.
Во соопштението се наведува дека животното дело на основачот на Глок „ќе продолжи во неговиот дух“. Глок дизајнираше и патентираше лесен полуавтоматски пиштол од девет милиметри кој беше лесен за полнење и можеше да испука 18 куршуми, а набрзо доби лојални следбеници меѓу воениот и полицискиот персонал ширум светот.
Популарноста на пиштолот Глок беше дополнително зацементирана од американската поп-култура и појавувањето во холивудските блокбастери, вклучувајќи го и научно-фантастичниот акционен филм Матрикс 2.
Gaston Glock, who was the Founder and developer of the “Glock” handgun has passed away, he was 94-years-old 🙏🕊️ pic.twitter.com/9pPSANBVWa
— Daily Loud (@DailyLoud) December 27, 2023
Сепак, и покрај популарноста на неговиот изум, Глок беше повлечен милијардер кој поголемиот дел од своето време го поминуваше на својот имот крај езерото во Австрија.
Ретко се појавуваше во медиумите, а првпат се најде на насловните страници кога еден од неговите деловни соработници се обиде да го убие кон крајот на 1990-тите, но и по разводот од неговата прва сопруга во 2011 година, а една година подоцна, кога беше објавена книга за неговата бизнис.
Глок, кој е роден во 1929 година, студирал машинско инженерство на колеџ во Виена. Подоцна основал бизнис со стока за широка потрошувачка во град надвор од австриската престолнина, а во раните 1980-ти, бизнисот се проширил во воени резерви.
„Форбс“ го процени личното богатство на Глок во 2021 година на 1,1 милијарди долари во 2021 година. Со текот на годините, застапниците за контрола на оружјето ја критикуваа компанијата Глок за популаризација на пиштоли кои е лесно се се сокријат додека собираат повеќе куршуми отколку слични пиштоли од други производители.
Глок ретко одговараше на критиките од активистите за контрола на оружјето, а исто така одби да им се придружи на другите производители на оружје кои потпишаа договор за доброволна контрола на оружјето со владата на Соединетите држави во 2000 година.