Починаа 21 лице од коронавирус, најмладиот имал 52 години

Министерството за здравство соопшти дека во последните 24 часа, пријавени се вкупно 21 починато лице, на возраст од 52 – 93 години.

По градови, билансот изнесува: 8 пациенти од Скопје, од Прилеп и Охрид – по 2 починати лица и по едно починато лице од Куманово, Тетово, Штип, Струмица, Струга, Кочани, Неготино, Гевгелија и Пробиштип. Сите пациенти се починати во болнички услови.

Вкупната бројка на КОВИД-дијагностицирани лица во нашата земја од почетокот на епидемијата изнесува 112.930, бројката на оздравени пациенти е 98.133, на починати е 3.340, а бројот на активни случаи изнесува 11.457.