Србија се откажа од планираното учество во воена вежба со Русија и Белорусија, по притисокот од Европската унија, во која сака да се приклучи, рече во средата српскиот министер за одбрана – Александар Вулин.
Србија, која е кандидат за членство во ЕУ, но во исто време има пријателски врски со Русија, требаше да учествува во вежбата „Славјанско братство 2020“ заедно со руските и белоруските сили во септември. во Белорусија.
„Тие од нас побараа, по цена да се откажеме од нашата европска иднина, да ја откажеме планираната воена вежба со Белорусија“, рече министерот.
Србија, која е воено неутрална, беше изложена на „незаслужено силен притисок од Европската унија“ и затоа ќе го замрзне своето учество во воената вежба со сите партнери за шест месеци, додаде тој.
Србија и Белорусија негуваат пријателски врски, а Белград во декември го прими белорускиот претседател Александар Лукашенко.
Воените вежби се планирани да се одржат во втората половина на септември со учество на 1.500 војници, во близина на градот Брест, во југоисточна Белорусија, соопшти белоруското Министерство за одбрана.