Претприемачот и иноватор, Елон Маск, синоќа со својот најнов изум им се приклучи на спасувачката екипа, во акцијата за извлекување на заглавените деца од пештерата во Тајланд.
„Мини-подморницата“ на Елон Маск, односно подводната капсула за превоз на децата, синоќа стигна во Тајланд, пренесува „NBC“.
Ова го потврди и самиот Маск, кој пристигна во Тајланд заедно со подморницата.
„Штотуку се вратив од пештерата 3. Капсулата е подготвена ако биде потребно. Направена е од делови на ракета и наречена е Дива свиња, по фудбалскиот тим на децата. Ќе ја оставам овде, ако има потреба да се користи во иднина. Тајланд е толку прекрасен“, напиша Маск на Twitter.
Just returned from Cave 3. Mini-sub is ready if needed. It is made of rocket parts & named Wild Boar after kids’ soccer team. Leaving here in case it may be useful in the future. Thailand is so beautiful. pic.twitter.com/EHNh8ydaTT
— Elon Musk (@elonmusk) July 9, 2018
Подморницата на Маск ја влечат двајца нуркачи
Имено, подводната капсула на Маск, која нема сопствен погон, ја влечат двајца нуркачи, односно ја туркаат. Таа е направена од сребрени цевки за пренесување на кислород, а требаше да биде искористена за вселенската ракета Falcon 9, на неговата компанија Space X.
„Мини-подморницата е доволно лесна за да ја носат двајца нуркачи, односно доволно мала“, напиша Елон Маск на социјалните мрежи.
Simulating maneuvering through a narrow passage pic.twitter.com/2z01Ut3vxJ
— Elon Musk (@elonmusk) July 9, 2018
Вчера, инаку, заврши уште еден ден од акцијата за спасување, а беа извлечени уште четири деца од пештерата во Тајланд.
Вкупно досега се спасени осум деца, а тренерот и уште четири момчиња останаа во пештерата. Таму поминаа веќе 17 дена, а се очекува во денешната акција сите да бидат спасени.