Словенечкиот премиер Јанез Јанша и неговата влада сигурно не стојат зад таканаречениот „нон-пејпер“ документ за нова поделба на Западен Балкан, изјавија денес поранешниот дипломат Зоран Миливојевиќ и претседател на Центарот за надворешна политика Сузана Грубјешиќ.
Миливојевиќ смета дека ова е само „тест балон“, со цел да се види како ќе реагираат политичките актери од Западен Балкан.
-Словенија нема капацитет, ниту како држава, ниту како членка на ЕУ и НАТО, да води такво нешто, без оглед на желбата да игра улога во регионот – рече Миливојевиќ како гостин на ТВ К1 .
Тој потсети дека новата администрација во Вашингтон го поддржува мултиетничкиот концепт и дека Стејт департментот и Берлин се залагаат за нови граници на Балканот, кои ја подразбираат Србија без Косово и Метохија, што не е предмет на наводниот неофицијален документ на Јанша.
-Тие сакаат да избегнат нови конфликти на Балканот поради нерешени отворени прашања и дефинитивно да се отцепи Косово, и второ целата оваа област да се вклопи во западната сфера на интерес, но да биде безбедна. Да се решат овие отворени прашања и „независноста на Косово и Босна да стане функционална како централизирана држава- рече Миливојевиќ.
Грубјешиќ, исто така, оцени дека новите граници не се реалност поради ставот на САД.
-Оние што навистина се прашуваат овде, а тоа се Соединетите држави, експлицитно рекоа дека го поддржуваат територијалниот интегритет на БиХ и напорите на сите на Балканот на европскиот пат. Ако тие велат дека од тоа нема ништо, тогаш навистина нема ништо- истакна Грујбешиќ.
Таа додаде дека паралелно со појавувањето на „нон пејперот“во јавноста, има и писмо од девет членки на ЕУ, вклучително и Словенија, во кои се бара стратешка дебата за Западен Балкан.