Полска ги предупреди САД дека ќе ја сносат вината доколку Русија напредува во Украина

Полскиот министер за надворешни работи Радослав Сикорски го повика претседателот на Претставничкиот дом на САД, Мајк Џонсон, да дозволи гласање за новата американска помош за Украина и рече дека Џонсон ќе биде виновен доколку законот не биде усвоен, а Русија напредува на бојното поле.

Во обраќањето до Атлантскиот совет, Сикорски истакна дека Џонсон „позитивно зборувал за Украина во минатото“.

„Затоа би сакал да знае дека целиот свет гледа што ќе направи, и доколку дополнителната помош не помине (во американскиот конгрес) и Украина претрпи пресврти на бојното поле, тоа ќе биде негова одговорност“, изјави полскиот шеф на дипломатијата.