67
Врховниот суд на Полска денеска ја потврди одлуката на Окружниот суд од Краков со која се одбива барањето за екстрадиција на полскиот режисер Роман Полански во САД, каде уште во 1977 година е осуден поради силување на малолетничка.
САД официјално поднесоа во Полска барање за екстрадиција на оскаровецот Полански, откако тој се појави на една свеченост во Варшава во 2014 година.
По ваквото барање на Вашингтон, Окружниот суд во Краков лани во октомври пресуди дека Полански не смее да биде екстрадиран во САД, на што Обвинителството поднесе жалба до Врховниот суд.
– Врховниот суд го одбива барањето за поништување на пресудата (на Окружниот суд). Судот смета дека барањето е неосновано, изјави врховниот судија Михал Ласковски./МИА