Постигнат е договор меѓу доверителите на Грција за проектот на меморандум за нов спасувачки план за Атина, кој треба да биде реализиран во следните денови. Ова го соопшти агенција ДПА, повикувајќи се на извор, а Ројтерс коментира дека дискусијата ги потхранува надежите дека договорот може да бидат постигнати во следните неколку дена.
Се очекува во проект-меморандумот да бидат вклучени бараните од доверителите економски реформи кои земјата мора да ги спроведе во замена за последниот заем.
Преговарачките страни треба да постигнат договор до 20 август, за кога е закажана уште исплата од грчка страна на долг од 3,2 милијарди евра кон ЕЦБ.
Атина брза да заврши договорот за нова програма за помош од околу 86 милијарди евра до вторник, за да ја добие првата транша за предметното плаќање по десетина дена.
Во случај да не се постигне договор, сепак, Европската Унија може да додели нова краткорочна помош на Грција.
Следната недела парламентот на земјата треба да прифати нов пакет со бараните од доверителите реформи, кој вклучува намалување на трошоците за одбраната и на субвенциите за земјоделскиот сектор.
Истовремено Финска предупреди дека е веројатнода остане надвор третиот спасувачки план за Грција, затоа што веќе го изгубила трпението по прашањето и има сериозна политика во однос на грчката криза, објави министерот за надворешни работи на земјата Тимо Сојни.
Тој истакна дека Финска нема да прифати зголемување на одговорностите кон неа за спасување на Грција, ниту пак намалување на долгот на Атина. Според министерот политиката на спасувачките планови нема да го реши проблемот и излегувањето на Грција од еврозоната е најверојатното сценарио.