Има се повеќе напади врз германски полицајци, вели статистиката. Минатата година 2.979 полицајци претрпеа главно физички напади – повеќе од кога било досега, пренесува dpa.
Околу четвртина од нив се повредени, точно 793, што, според податоците на полицијата, исто така е рекорд од почетокот на собирањето податоци во 2001 година. Според статистиката, 11 отсто или 88 полицајци морале да одат на боледување.
Нападите речиси секогаш вклучуваа физичко насилство. Повеќето од нападите се случија „за време на секојдневно извршување на задачите“, главно при патрола, за време на криминални истраги или за време на депортирање на мигранти.
Повеќето од нив беа во близина на железнички линии и станици. Напади имало и на фудбалски натпревари и други јавни настани.
Според извештајот, најголем дел од сторителите (78 отсто) биле мажи, а просечната возраст била 33 години. Речиси половината биле под дејство на алкохол или дрога.
Повеќето од нив и се од претходно познати на полицијата, а речиси една четвртина се повратници или тешки престапници. Речиси половина од напаѓачите биле германски државјани.