Повторно закани за бомби во неколку скопски училишта

Нови закани за бомби во скопските училишта откако денеска на адресите на четири школи стигнале мејлови со дојави.

„Денеска во СВР Скопје околу 9.30 часот е пријавено дека на електронска адреса на четири училишта во Скопје е упатена закана за поставена бомба. Веднаш по добиената пријава, од полициски службеници се преземени мерки за безбедно евакуирање и во тек се антитерористички проверки и се преземаат мерки за расчистување на случајот“, соопштуваат од МВР.

Сите досегашни закани полицијата ги провери и ги квалификува како лажни.

Во изминатите неколку недели постојано средните училишта во градот Скопје се на удар на хакерски напади од страна непознати лица по кои полицијата се уште трага.