Пожар во мигрантскиот камп на Лезбос

Пожар избувна утрово во мигрантскиот камп на грчкиот остров Лезбос, каде има повеќе од 12.000 лица, пренесоа агенциите.

Мигрантите беа евакуирани и пренесени на безбедно.

Причината за пожарот во кампот Морија е непозната, а на Лезбос горат уште два шумски пожари.

Шатори и контејнери се запалија во кампот, во кој се сместени околу 12.000 мигранти. Засега нема информации за повредени, а причината за пожарот не е позната, пренесува „Ројтерс“.

Минатата недела кампот беше ставен во карантин поради болен барател на азил. Грчкото министерство за миграција објави дека бројот на мигранти заразени со коронавирусот е скоро двојно зголемен и дека сега има вкупно 35 заболени.