172
Две лица загинаа во голем пожар во нафтена рафинерија во рускиот град Ангарск во југоисточен Сибир, соопшти денеска одделот на Истражниот комитет за областа Иркутск.
Пет лица се повредени во пожарот, изјави на Телеграм гувернерот на Иркутската област Игор Кобзев, а пренесува ТАСС.
Кобзев додаде дека пожарот зафатил површина од 2.500 метри квадратни на петрохемиска компанија на Ангарск.
Министерството за вонредни ситуации соопшти дека пожарот е локализиран, а можна причина за инцидентот е загадување со гас на системот на процесни постројки, додава РИА Новости.